Vottorðastjórnun
Mikilvægt: Athuga skal að þó að notkun vottorða dragi verulega úr þeirri áhættu sem fylgir fjartengingum og
uppsetningu hugbúnaðar verður að nota þau rétt svo að aukið öryggi fáist. Tilvist vottorðs er engin vörn ein og sér.
Vottorðastjórinn verður að vera með rétt, sannvottuð eða tryggileg vottorð svo að aukið öryggi fáist. Vottorð eru
bundin tilteknum tíma. Ef textinn Útrunnið vottorð eða Ógilt vottorð birtist þó að vottorðið ætti að vera gilt skal athuga
hvort rétt dag- og tímasetning er á tækinu.
Áður en vottorðsstillingum er breytt þarf að ganga úr skugga um að örugglega megi treysta eiganda þess og að það
tilheyri í raun eigandanum sem tilgreindur er.
Stafræn vottorð eru notuð til að staðfesta uppruna hugbúnaðar en tryggja ekki öryggi. Um þrjár tegundir vottorða er að ræða:
heimildavottorð, einkavottorð og vottorð miðlara. Ef tengingin er örugg getur verið að miðlari sendi vottorð í tækið. Þegar
vottorðið er móttekið er það sannvottað af heimildavottorði sem er vistað í tækinu. Látið er vita ef uppruni miðlarans er ekki
staðfestur eða ef ekki er rétt vottorð í símanum.
Hægt er að hlaða vottorði niður af vefsvæði, fá það sem viðhengi í tölvupósti eða sem skilaboð með Bluetooth eða innrauðri
tengingu. Nota ætti vottorð þegar senda á trúnaðarupplýsingar til netbanka eða miðlara. Einnig ætti að nota þau til að minnka
hættuna á vírusum eða öðrum skaðlegum hugbúnaði og tryggja áreiðanleika hugbúnaðar sem hlaðið er niður af netinu og
settur upp í tækinu.
Ábending: Þegar nýju vottorði er bætt við skal sannvotta uppruna þess.